Khua bruă kƀĭn ala Vương Đình Huệ yap yuôm bhăn bruă klam đru mguôp mơ̆ng Êpul khua êmua bi hgŭm Prăng – Việt Nam hlăm bruă mđĭ hĭn klei bi mguôp plah wah Dua anôk bruă kƀĭn ala, jing kdrông mkŏ kơ klei mjĕ giăm Việt Nam – Prăng kñăm mđĭ hĭn klei bi mguôp plah wah 2 lăn čar hlăm djăp mta bruă.

Khua bruă kƀĭn ala Vương Đình Huệ hmăng hmưi, hŏng Êpul khua êmua anei čiăng mđĭ hĭn bruă klam mơ̆ng bruă kƀĭn ala hlăm Êpul hgŭm blŭ klei Prăng, mñă kơ êpul khua êmua lŏ dơ̆ng mâo klei mjĕ giăm kjăp leh anăn lu mta bruă čiăng mđĭ hĭn klei mjĕ giăm plah wah dŭm anôk bruă tui dŭm krĭng mơ̆ng Prăng hŏng dŭm alŭ wăl ti Việt Nam. Boh nik jing dŭm alŭ wăl dôk mâo klei mjĕ giăm kjăp, dua êpul phung khua êmua mtrŭt mđĭ, mtrŭt mjhar ktuê dlăng dŭm hdră leh bi klă plah wah dua knŭk kna.