Klei anei mâo iêo jak leh êbeh 200 čô phung hđeh jing phung kdlưn hĭn bi ala brei kơ êbeh 467 êbâo čô phung hđeh mơ̆ng 17 boh kdriêk, wăl krah, ƀuôn prŏng hlăm čar. Ti anôk bi blŭ hrăm, lu phung hđeh bi êdah leh ai tiê pô hŏng klei ngă jhat kơ phung hđeh hlăm sang hră mơar, klei êđăp ênang kơ phung hđeh hlăm hla pŏk, lehanăn klei amâo mâo jăk mơ̆ng klei mkra mjing phao mơar. Phung hđeh dôk hyưt ti anăp klei mplư mplêč, ngă jhat kơ hđeh hlăm hla pŏk.

Êngao anăn kơ dŭm klei amâo mâo jăk mkăn hlăm sang hră, kƀah anôk phung hđeh hlăp mbul, lehanăn kơ klei čiăng mâo klei kčĕ mtô kơ phung hđeh êjai dôk hriăm hlăm sang hră mơar. Kơ dŭm boh klei phung hđeh hriăm hră Gia Lai bi êdah leh ti anôk bi blŭ hrăm, mâo leh dŭm knơ̆ng dhar bruă hlăm čar mđing hmư̆, lehanăn lŏ wĭt lač. Rah Lan Chung-  Khua knơ̆ng bruă sang čư̆ êa čar Gia Lai lač, srăng mjing djăp klei găl čiăng kơ dŭm knơ̆ng dhar bruă mâo hdră êlan mă bruă djŏ tui si klei phung hđeh hriăm hră čiăng./.