Blŭ klah čŭn ti anôk bi kƀĭn, Trịnh Mạnh Cường-K'iăng khua adŭ bruă mơ̆ng êpul mrô 389 mơ̆ng lăn čar mñă, hlăm dŭm mlan knhal jih thŭn 2023, klei čiăng kơ mnơ̆ng, yua mnơ̆ng hlăm dŭm knăm mơak, thŭn mrâo đĭ lu, mnơ̆ng dhơ̆ng bi kpleh plah wah dŭm krĭng adôk prŏng, mơ̆ng anăn ênưih lĕ hlăm klei kƀah mnơ̆ng, truh kơ klei duah bi mđĭ ênoh čhĭ, lehanăn mâo lu mnuih mjhua ba čhĭ lu mta mnơ̆ng mgưt, mnơ̆ng soh hŏng klei bhiăn, klei čhĭ mnia bi mplêč luar, mplư soh ngă dleh dưi ksiêm dlăng.

Cường mtă kơ êpul khua kiă kriê mrô 389 dŭm čar ti lăn dap kngư mđing bi kdơ̆ng kjăp hŏng klei ngă soh anei, boh nik mnơ̆ng găn knông lăn soh hŏng klẻi bhiăn, mâo lu mta msĕ si hbâo pruê, phao mơar, êa drao răng mgang mnơ̆ng pla mjing, êa săng êa pui, lehanăn lu mta mnơ̆ng mgưt hlăm klei čhĭ mnia hŏng elektronik./.