Êpul hưn mdah leh klei bi klă leh anăn bi klă hdră êlan ktuê dlăng bruă gĭt tai, ktrâo lač leh anăn mkŏ mjing hluê ngă klei bi klă mrô 67/2019 mơ̆ng Phŭn bruă kđi čar kơ bruă mkŏ mjing leh anăn mđĭ kyar ƀuôn prŏng Ƀuôn Ama Thuôt truh ti thŭn 2030, tă hdră truh ti thŭn 2045.

Hluê si klei bi klă, Êpul ksiêm dlăng mơ̆ng Êpul bruă duh mkra gưl dlông srăng ngă klei ksiêm dlăng hlăm 45 hruê, hŏng 6 anôk bruă djŏ tuôm, čiăng bi klă kluôm bih tŭ klei ngă bruă, ktrâo klă dŭm klei êdah, klei dleh kpăk, phŭn agha dŭm klei dôk mâo leh 4 thŭn hluê ngă klei bi klă mrô 67/2019 KL/TW mơ̆ng phŭn bruă kđi čar kơ bruă mkŏ mjing leh anăn mđĭ kyar ƀuôn prŏng Ƀuôn Ama Thuôt, čar Dak Lak truh thŭn 2030, tă hdră truh ti thŭn 2045. Mơ̆ng anăn ba mdah dŭm hdră êlan ruh mgaih klei dleh dlan, kpăk gun hluê ngă tŭ jing bruă klam mơ̆ng klei bi klă mrô 67 bi êdah leh.