Hlue si klei hưn mdah hlăm mmông mă bruă, mơ̆ng thŭn 2020 truh thŭn 2022, čar Dak Lak iêô mkrum mơ̆ng knơ̆ng prăk, mâo ênoh 986 êklai 632 êklăk prăk kơ hdră gang mkhư̆ Covid-19. Čar ăt iêô mkrum klei găl leh anăn mă klei đru mơ̆ng phung mâo ai tiê kmah hlăm ala čar leh anăn ala tač êngao 71 êklai 355 êklăk prăk.

Mơ̆ng ênoh anei, dŭm anôk bruă pral blei kdrăp masin, êa drao čiăng pioh kơ hdră gang mkhư̆ Covid-19 ti alŭ wăl. Dương Thanh Bình mtă brei ksiêm dlăng bruă ba dŭm Anôk bruă mdrao mgŭn alŭ wăl kriê dlăng, bi klă bruă klam mơ̆ng anôk bruă mdrao mgŭn, ƀuôn hgŭm hŏng bruă ksiêm mkă, mdrao mgŭn hŏng hră ênua mdrao mgŭn, mđĭ hnơ̆ng jăk ksiêm mkă, mdrao mgŭn ti anôk bruă mdrao mgŭn kdriêk čiăng bi hrŏ hnơ̆ng mnuih ruă, mđing kơ ênoh bi liê kơ dŭm anôk bruă mdrao mgŭn ti čar./.