Tui si klei hâo mdah ti anôk ngă bruă, leh 5 thŭn hlue ngă bruă mơ̆ng knŭk kna kiă kriê dliê mâo leh klei tŭ dưn. Mơ̆ng thŭn 2017 truh kơ ară anei, dŭm anôk bruă djŏ tuôm mâo mghaih msir leh êbeh 6.500 klei ngă soh hŏng bruă dliê kyâo, mâo phat mkra leh êbeh 6.100 klei.

Mkă hŏng wưng thŭn 2012-2016, klei ngă soh hrŏ hĭn 44%. Bruă pla dliê mâo klei tŭ dưn jăk, êdei kơ 5 thŭn, kluôm čar pla leh êbeh 12.400 hec ta, hlăm anăn dliê pioh mă kyâo êbeh 10.100 hec ta dŭm adôk jing dliê pioh răng mgang, lehanăn dliê pioh yua kơ bruă yuôm bhăn. Blŭ hrăm ti anôk mă bruă Trần Tuấn Anh, Khua anôk bruă duh mkra gưl dlông mtă leh kơ čar Daklak lŏ dơ̆ng hlue ngă dŭm bruă mơ̆ng Đảng kiă kriê, răng mgang kjăp dliê. Lehanăn čar mâo nanao klei kăp hâo mdah, lehanăn đăo knăl kơ ya mta klei amâo mâo jăk hlăm bruă răng mgang dliê./.