Hâo mdah hŏng êpul khua kiă kriê, Nguyễn Đại Phong, Khua kiă kriê sang êa drao krĭng Lăn Dap Kngư lač, hlăm wưng thŭn 2019-2022, Sang êa drao mâo leh hdră mă bruă jăk hlăm klei mkă dlăng mdrao mgŭn mnuih ruă.

Ba yua kdrăp mă bruă mrâo mrang, mđĭ mlih hdră êlan mkă dlăng mdrao mgŭn, mđĭ hĭn knhuah nai êa drao hlăm klei mdrao mgŭn, đru kơ dŭm boh sang êa drao nah gŭ. Mđĭ kdrăp mă bruă, mkăp pioh kơ bruă mkă dlăng lehanăn mdrao mgŭn. Blŭ hrăm ti anôk mă bruă k’iăng khua phŭn bruă mdrao mgŭn Trần Văn Thuấn lač Sang êa drao anei năng lŏ bi mâo dŭm hdră êlan mă bruă jăk hĭn, kñăm krơ̆ng phung nai aê mdrao mgŭn, mă bruă hŏng klei kreh knhâo hŏng klei bi mguôp hŏng dm boh sang êa drao nah dlông. Mprăp jăk klei blei mprăp kdrăp mă bruă lehanăn êa drao gŭn, k’iăng khua phŭn bruă lŏ mñă êjai dôk găn hlăm klei dleh dlan ară anei sang êa drao bi gĭr hĭn hlăm jih jang hdră êlan mă bruă./.