Wưng kơ anăp, knơ̆ng bruă sang čư̆ êa čar Daklak akâo kơ knŭk kna lŏ mđĭ hĭn bruă rŭ mjing phŭn pui bi êran hŏng ai angĭn, pui kmlă bi êran hŏng pil yang hrue hlăm čar dôk hlăm ênoh čuăl mkă kơ pui kmlă 8 lehanăn ênoh čhĭ pui kmlă bi êran hŏng pil yang hruê, hŏng ai angĭn, pral mâo klei bhiăn mă, ba yua dua mta kdrăp bi êran pui anei.

Blŭ hrăm ti anôk ngă bruă, Lê Thị Thanh Xuân, k’iăng khua êpul klam bruă mơ̆ng êpul hgŭm bruă kƀĭn ala čar Daklak mtă leh kơ čar lŏ dơ̆ng hlak mblang, bi klin, ruh mgaih klei dleh mjing djăp klei găl kơ bruă duh mkra hlăm čar. Lehanăn mtă kơ čar lŏ hyuă kjăp hĭn klei knŭk kna kiă kriê hlăm bruă hlue ngă hdră êlan, klei bhiăn mđĭ kyar pui kmlă hlăm čar mâo klei ksiêm dlăng kjăp./.