Klei bi mlih anei dưi hluê ngă hŏng klei sa ai, tŭ ư mơ̆ng phung yua pui kmlă, hŏng klei kuôl kă blei yua leh bi klă. Truh kơ ară anei, knơ̆ng bruă pui kmlă mlih leh hră kuôl kă blei yua pui kmlă hŏng hdră điện tử kơ êbeh 3,16 êklăk phung ba yua.

Mĭn tĭng hlăm thŭn 2023 srăng ngă bruă mlih hriê čih mmông pui kmlă jing hruê knhal jih mlan kơ 2,6 êklăk čô ba yua. Bruă anei kñăm mđĭ klei klă mngač, ênưih thâo klă hlăm bruă kriê dlăng klei čih hnơ̆ng yua pui kmlă, čih mrô leh anăn ngă hră tĭng tla. Hlăm mlan mlih hruê čih mmông pui kmlă, ênoh hruê yua pui kmlă srăng lu hĭn mkă hŏng wưng êlan, knar hŏng hnơ̆ng yua pui kmlă srăng lu hĭn. Ƀiădah bruă anei amâo mâo hmăi kơ boh tŭ phung ba yua, hnơ̆ng yua pui kmlă, hră tĭng tla mơ̆ng phung ba yua, ăt dưi rơ̆ng djŏ hŏng klei čuăn leh anăn klei bi klă ênoh pui kmlă ară anei.