Anôk bruă sang êa drao Bình An srăng đru mguôp hlăm brô 250 êklai prăk tal êlâo, ba yua jih anôk bruă nah gŭ, kdrăp mdrao mgŭn dôk mâo, mbĭt hŏng hdră kčah pŏk mlar mnuih mă bruă mkăp kơ hdră ksiêm mkă dlăng, mdrao klei ruă, mđĭ boh tŭ hdră ngă bruă.

Hdră anei mâo wưng hluê ngă hlăm 30 thŭn. Hluê si Knơ̆ng bruă sang čư̆ êa čar Gia Lai, bruă bi hgŭm jing čiăng êdi kyua Sang êa drao prŏng Gia Lai khădah dưi duh kơ anôk bruă nah gŭ, mnuih mă bruă, ƀiădah ka mkăp ênŭm kơ klei čiăng dlăng kriê klei suaih pral ƀrư̆ hruê ƀrư̆ đĭ mơ̆ng mnuih ƀuôn sang.