Hlăm klei bi kƀĭn, bi ala kơ lu anôk bruă hlăm Sang mđung asăp kčĕ leh klă hĭn kơ boh tŭ mâo leh, mbĭt anăn lač klă kơ klei kƀah, awăt leh anăn kčĕ hdră msir, rơ̆ng hlăm thŭn 2026 bi leh bi jăk bruă klam jao. Čih yap, bi mni kơ klei gĭr mơ̆ng dŭm anôk bruă, Khua dlăng bruă Đảng, Khua Sang mđung asăp blŭ Việt Nam Đỗ Tiến Sỹ mñă klă: Hlăm wưng kơ anăp, dŭm anôk bruă lŏ dơ̆ng mđĭ lar ai tiê bi hgŭm, bi tŭ ư, lŏ dơ̆ng mlih mrâo boh phŭn, bi lu jơr hdră hâo hưn mtô mblang, bi mklă bruă klam anôk bruă klei mrâo phŭn hrăm mbĭt hŏng lăn čar.

Khua Sang mđung asăp blŭ Việt Nam mñă klă: Thŭn 2026 pŏk ngă lu bruă klam phŭn msĕ si: Klei bi kƀĭn bruă Đảng kluôm ala tal XIV, pŏk ngă Hdră mtrŭn klei bi kƀĭn XIV, klei ruah khua Bruă kƀĭn ala leh anăn Êpul gơ̆ng bruă ƀuôn sang dŭm ƀuôn hgŭm, hŏng dŭm bruă ngă dưi pŏk ngă êlam, kluôm mơ̆ng gưl bruă Đảng, bruă sang čư̆ êa truh hŏng Hdră mtrŭn Êpul gơ̆ng bruă ƀuôn sang dŭm gưl.