Ƀri knăm Noel thŭn 2025, bi ala Dhar bruă Măt trận čar kwar gưl dlông Việt Nam, Khua hlăm Phŭn bruă kđi čar, Khua Dhar bruă Măt trận čar kwar gưl dlông Việt Nam Bùi Thị Minh Hoài mơĭt leh hră hơêč hmưi kơ jih jang phung khua kiă kriê klei đăo lehanăn mnuih hluê đăo Khop, Tin lành hlăm kluôm ala asăp hơêč hmưi knăm Noel êđăp ênang, yâo mơak lehanăn bŏ hŏng klei khăp lehanăn mơĭt leh asăp čuă êmuh lehanăn hơêč hmưi jăk siam truh hŏng jih jang.

Mặt trận čar kwar gưl dlông Việt Nam bi myuôm ai tiê “Mpŭ kơ Khua yang – khăp kơ ala čar, “ Hdĭp jăk hŏng djuê ana” mơ̆ng mnuih đăo Khop lehanăn Tin lành wưng êgao. Phung khua kiă kriê klei đăo kehanăn mnuih đăo wưng êgao hluê ngă kjăp hdră êlan mtrŭn mơ̆ng Đảng, hdră bhiăn mơ̆ng knŭk kna, nao hgŭm hlăm hdră bi ktưn khăp kơ ala čar, dŭm bruă mâo Mặt trận lehanăn êpul bruă kđi čar – ala ƀuôn mtrŭt mjhar./.