Blŭ hrăm knăm anei, Khua lăn čar Lương Cường mtă kơ bruă Đảng lĭng kahan, Phŭn bruă lĭng kahan lŏ dơ̆ng gĭt gai, hluê ngă jăk hdră đru kčĕ hŏng Đảng, Knŭk kna kơ bruă lĭng kahan. Pral, knhâo, mđĭ klei thâo ksiêm dlăng, đăo knăl, mâo hdră msir mghaih tŭ dưn boh klei mjêč, amâo lui kdjăt ñhăr.

Mbĭt anăn, lŏ dơ̆ng hluê ngă kjăp, tŭ dưn hdră bruă lĭng kahan hlăm mnuih ƀuôn sang, hdră kdơ̆ng mblah hlăm mnuih ƀuôn sang, răng mgang ala čar hlăm boh klei mrâo, hŏng klei mĭn “Mnuih ƀuôn sang jing phŭn”, mđĭ klei thâo kriê dlăng knŭk kna hlăm bruă lĭng kahan ti dŭm gưl. Khua lăn čar ăt mtă kơ Phŭn bruă lĭng kahan mđing mkŏ mjing Êpul kahan thâo, knhâo, mrâo mrang, răng mgang kjăp wăl adiê, êa ksĭ, knông lăn, lăn hang, êlan mạng lehanăn alŭ wăl phŭn./.