Blŭ hrăm ti anôk bi kƀĭn, Khua knŭk kna Phạm Minh Chính mñă boh tŭ dưn hlăm bruă rŭ mkra sang dôk hŏng klei mjêč, hlăm wang 1 thŭn 4 mlan mâo lăm lui leh truh 334 êbâo boh sang tĭ ƀrôč. Khua knŭk kna mñă, mâo boh tŭ dưn anei tơdah mta čuăn kơ thŭn 2025 dưi bi leh hlăm 100 êbâo boh sang kơ yang ƀuôn, truh kơ ară anei jing kdlưn hĭn hŏng ênoh kčah.

Hŏng klei msĕ snăn, Khua knŭk kna đăo tĭng êmưt êdi truh ti thŭn 2028 srăng bi leh mdơ̆ng truh 1 êklăk boh sang dôk kơ yang ƀuôn. Khua knŭk kna mtă kơ bruă mđĭ kyar sang dôk brei bi djŏ hŏng klei bhiăn, bi kna jih jang bruă knuă mơ̆ng ngăn prăk hlŏng kơ klei rŭ mdơ̆ng, dưi kiă kriê kjăp klei kơ ênoh ênil, lehanăn mjing anôk mghaih msir klei kơ sang lăn hŏng klei kjăp./.