Ti anei, Khua bruă Đảng čar Lâm Đồng Y Thanh Hà Niê Kđăm mâo leh asăp hơêč hmưi truh hŏng Giám mục Đỗ Mạnh Hùng mbĭt hŏng jih jang phung khua kiă kriê mlăn kơ sang yan Noel mơak mñai, bŏ hŏng klei khăp mơ̆ng Aê Diê, lehanăn sa thŭn mrâo mâo klei jăk jĭn.

Khua bruă Đảng čang hmăng hlăm wưng tinăp, Giám mục Đỗ Mạnh Hùng mbĭt hŏng jih jang phung khua kiă kriê klei đăo Katolik mâo klei mă bruă, bi kƀĭn êđăp ênang jăk jĭn, mđĭ ai jih jang phung đăo hlue ngă jăk hdră êlan mơ̆ng Đảng, klei bhiăn knŭk kna, “thâo huĭ mpŭ kơ Aê Diê, thâo khăp kơ lăn car”, “Hdĭp jăk đăo djŏ”, nang jing phung đăo sĭt, lehanăn mnuih ƀuôn sang jăk”. Mâo klei thâo bi mguôp jăk hŏng bruă sang čư̆ êa čar Lâm Đồng.