Khua Knŭk kna Phạm Minh Chính drông khua kiă kriê čar Tochigi, Japon
Thứ tư, 10:23, 17/12/2025
Y-Ƀel Êban/ VOV Tây Nguyên
Y-Ƀel Êban/ VOV Tây Nguyên
VOV.Êđê- Tlam mmăt mbruê 16/12, ti anôk bruă Knŭk kna, Khua Knŭk kna Phạm Minh Chính drông leh Fukuda Tomikazu, khua kiă kriê čar Tochigi, Japon leh anăn êpul ngă bruă dôk hriê čhưn leh anăn mă bruă ti Việt Nam.
Hưn kơ dŭm mta kñăm leh anăn hdră êlan mđĭ kyar ba lăn čar mŭt hlăm ênuk mrâo mơ̆ng Việt Nam, Khua Knŭk kna Phạm Minh Chính hmăng hmưi Japon leh anăn bruă Knŭk kna čar Tochigi, ăt msĕ mơh khua kiă kriê Fukuda Tomikazu lŏ dơ̆ng sa ai, bi mguôp hŏng Việt Nam.
Khua Knŭk kna mñă kơ čar Tochigi lŏ dơ̆ng uêñ mĭn, mtrŭt mđĭ mjhar dŭm knơ̆ng bruă pŏk mlar klei duh bi liê kơ Việt Nam hlăm dŭm mta bruă čar mâo klei găl, mđĭ hĭn klei bi mguôp mtô mjuăt mnuih mă bruă, mkŏ mjing klei găl leh anăn lŏ mâo lu hdră êlan đru kơ êpul êya 9000 čô mnuih Việt Nam dôk hdĭp, hriăm hră mơar leh anăn mă bruă ti čar.
Viết bình luận