Mkŏ mjing hlăm 2 hruê 19 - 20/12 kơ anăp, klei bi trông jing sa klei kreh lnhâo - hdră êlan yuôm bhăn hŏng hdră mđĭ kyar mơ̆ng čar Lâm Đồng hlăm wưng mrâo. Mâo leh 21 čô bi ala mơ̆ng dŭm anôk bruă lu ala čar leh anăn 10 čô bi ala kơ Anôk bruă bi ala bi mklă nao hlăm klei bi trông.

Đinh Văn Tuấn, K’iăng Khua Knơ̆ng bruă sang čư̆ êa čar Lâm Đồng, brei thâo, kơ lăn ala dap kngư Di Linh taih mơ̆ng kčŭn čư̆ Bảo Lộc truh kơ kčŭn čư̆ Frenn, mâo alŭ wăl ƀuôn prŏng Bảo Lộc leh anăn 5 kdriêk: Bảo Lâm, Di Linh, Đức Trọng, Lâm Hà, Đơn Dương, mâo 50% ênhă čar Lâm Đồng hđăp. Leh bi mŭt 3 čar Dak Nông, Bình Thuận leh anăn Lâm Đồng, dap kngư Di Linh dưi lač jing krĭng lăn mâo djăp ênŭm klei găl kơ lăn ala, yan adiê, wăl jăk siam, êwa čuh mtah leh anăn êlan klông mlir krĭng.