Ti anôk bi trông, jih jang klei blŭ bi lač, krĭng Lăn Dap Kngư jing alŭ wăl yuôm bhăn, boh nik kơ hƀuê ênuk, klei mnuih đuĕ hriê dôk jing lu, anôk mâo lu djuê ana hdĭp mbĭt mbla... Kyua anăn adôk mâo lu hdră mtrŭn ngă bruă dôk tuôm hŏng lu klei ka djŏ mdê hŏng klei bhiăn. Boh nik hlăm bruă kiă kriê lăn pla mjing, lăn dliê, hdră êlan hŏng mnuih djuê ƀiă, čoh čuăn kơ ênoh lăn.

Blŭ hrăm ti anôk ngă bruă k'iăng khua phŭn bruă ngăn dŏ wăl hdĭp mda Lê Minh Ngân brei thâo, truh kơ ară anei dŭm čar hlăm kluôm ala ngă leh dŭm bruă êmuh klei mĭn mnuih ƀuôn sang čiăng mlih mrâo hdră bhiăn lăn ala. Lu alŭ wăl mâo mkŏ mjing truh ti gưl să. Tui si Lê Minh Ngân, Phŭn bruă ngăn dŏ wăl hdĭp mda srăng pral mâo klei hâo mdah bi klin jih klei blŭ mơ̆ng mnuih ƀuôn sang, kơ klei čih mkra hdră bhiăn lăn ala mơ̆ng dŭm alŭ wăl, Phŭn dhar bruă kơ anôk bruă duh mkra, dhar bruă mkra mjing hdră bhiăn mơ̆ng Bruă kƀĭn ala ksiêm dlăng mă klei blŭ mơ̆ng mnuih ƀuôn sang kơ anôk čih mkra./.