Klă klơ̆ng, hlăm brô 2h tlam hruê 2/10, 4 čô hđeh nao kiă êmô, găn êa krông ti krĭng Drai êa 2, hlăm să Ia Blư̆ čiăng wĭt ti sang. Truh ti krah êa, hnơ̆ng êa đĭ pral, 1 čô pral luê đĭ ti hang, 3 čô adôk kpăk đuôm ti klŏ boh tâo krah êa.

Leh hmư̆ klei hưn, êpul đru dŏng mnuih mâo truh mơ̆ng anôk bruă kahan ksiêm čar Gia Lai mâo 9 čô knuă druh, lĭng kahan pŏk leh hdră nao dŏng mtlaih, yua kdrăp mnơ̆ng, klei čiăng ba 3 čô hđeh anei wĭt ti hang. Êjai dôk đru dŏng, 1 čô hđeh kyua huĭ, êa hlŏng mă kpuh đung, ƀiădah mâo êpul kahan đru dŏng luê tiŏ mă, dưi dŏng hdĭp. Truh 5h45 mnĭt tlam, jih 3 čô hđeh dưi dŏng mtlaih ba ti hang./.