Hlăm anăn, êpul gru bi kal hrah čar Gia Lai gĭr ktưn kriê dlăng, đru kơ 25.000 čô, hŏng kluôm ênoh ngă bruă 15 êklai prăk. Hdră “tết Klei khăp Quý Mão - 2023” srăng mkŏ mjing mơ̆ng hruê 1/1/2023 – 16/1/2023. Hdră iêo mthưr grăp ai dưi mơ̆ng yang ƀuôn čiăng mkŏ mjing klei bi hmô “mđup brei hnư mnơ̆ng – mơak wưng Tết”, kñăm đru kơ mnơ̆ng yua, ai tiê čiăng kơ mnuih ƀun ƀin, phung dleh dlan dưi mơak yan mnga, drông tết, đru mkŏ mjing êpul êya bi mguôp, bŏ hŏng klei khăp.

Dŭm hdră “tết klei khăp” dưi mkŏ mjing rơ̆ng hŏng klei bhiăn djuê ana, dhar kreh leh anăn knhuah gru djuê ana. Bruă anei bi êdah bruă klam yang ƀuôn mơ̆ng pô hŏng mnuih ƀun ƀin, phung mâo klei hdĭp dleh dlan.