Dua čô hđeh anei ti buôn Enan, să Ia Rsai, kdriêk Krông Pa, čar Gia Lai hmar mâo dŏng mtlaih leh digơ̆ dôk kpăk đuôm ti krah êa dôk lêč. Tlam hrue 2/8, 2 čô hđeh anăn digơ̆ jing Rơ Ô H’Bái (14 thŭn) lehanăn Rah Lan H’Mơn (15 thŭn) nao kơ hma tuôm hĕ hŏng hjan prŏng. Bhiâo riâo rit êa kluh lêč hriê, dua čô hđeh mĭn găn hnoh êa Rsai čiăng wĭt kơ sang. Truh krah hnoh êa kpăk hĕ amâo lŏ dưi găn.

Leh hmư̆ mâo klei iêo kwưh, lu mnuih bi nao dŏng đru mbĭt hŏng kahan ksiêm să, lehanăn phung hđeh êdam hlăm buôn bhĭr nao mlut, lehanăn klei bră truh hŏng dua čô hđeh dôk kpăk đuôm ti krah êa, lehanăn atăt digơ̆ truh kơ hang hŏng klei êđăp ênang./.