Hlue anăn, ênhă dliê kluôm čar Gia Lai mâo êbeh 650.600 ha.  Hlăm anăn dliê čŏng mâo giăm 480.000 ha; dliê pla giăm 160.000 ha; adôk jing dliê pla ka jing dliê. Hnơ̆ng dliê luôm ti čar mâo 41,09%, hnơ̆ng mâo kluôm  47,59%. Knơ̆ng bruă sang čư̆ êa čar Gia Lai mñă klă hnơ̆ng yuôm bhăn hlăm bruă hưn mdah boh klei dliê čiăng duh kơ bruă ksiêm dlăng dliê leh anăn lač kơ dŭm hnơ̆ng kčah ênhă dliê hlue si hdră kčah.

Mbĭt anăn, brei dŭm anôk bruă djŏ tuôm hưn mdah klă mngač ênoh mrô ênhă dliê, rơ̆ng klă čiăng kơ dŭm êpul bruă păn kjăp leh anăn đua klam djŏ tuôm. Anei jing tur knơ̆ng yuôm bhăn čiăng kriê dlăng dliê kjăp, rơ̆ng dŭm hdră kñăm mđĭ kyar bruă duh mkra- ala ƀuôn mguôp hŏng bruă răng mgang wăl hdĭp mda.