Tui si hdră čoh čuăn, dua boh čar srăng bi mŭt mbĭt jing sa boh car mrâo mă anăn  Gia Lai, anôk bruă phŭn jing ti ƀuôn prŏng Quy Nhơn. Čar Gia Lai mrâo mâo boh prŏng êbeh 21.576 km², hŏng ênoh mnuih êbeh 3,58 êklăk čô mnuih, lehanăn 135 êpul bruă gưl să.

Ti anôk bi kƀĭn, dua nah mâo leh klei bi tŭ ư dăp wĭt êpul mă bruă, jao bruă kơ phung knuă druh kñăm mă bruă leh klei bi mŭt, mjing anôk mă bruă hlăm klei mđĭ kyar mrâo. Khua gĭt gai bruă Đảng čar Bình Định Hồ Quốc Dũng mñă: bruă dăp wĭt êpul khua kiă kriê mâo klei tĭng mkă bi nik, rơ̆ng mâo klei tŭ dưn sĭt. Khua bruă Đảng čar Gia Lai Hồ Văn Niên brei thâo, čiăng kơ bruă mâo bi sa ai mơ̆ng gưl dlông, bruă sang čư̆ êa dŭm gưl truh hŏng dŭm êpul bruă kđi čar – yang ƀuôn. Êpul gơ̆ng bruă ƀuôn sang dua boh čar bi sa ai hŏng hdră êlan anei./.