Gia Lai: Lŏ dơ̆ng mđĭ mlih hdră êlan duh mkra mnia mblei, mđĭ hnơ̆ng bi liê ngăn prăk pioh duh kơ bruă kluôm
Thứ sáu, 10:19, 07/04/2023
VOV Tây Nguyên
VOV Tây Nguyên
VOV4.Êđê- Lŏ dơ̆ng hlăm bruă mđĭ mlih hdră êlan duh bi liê, ngă bruă duh mkra mnia mblei, lehanăn klei bi liê ngăn prăk kơ dŭm bruă kluôm, anăn yơh jing bruă čuăn mâo knơ̆ng bruă sang čư̆ êa čar Gia Lai kiă kriê bruă duh mkra mnia mblei 3 mlan akŏ thŭn, lehanăn hlue ngă bruă knuă kơ 3 mlan gưl tal 2, mkŏ mjing leh hrue mbrue (6/4).
Hlăm 3 mlan akŏ thŭn 2023, ênoh mnơ̆ng mâo hlăm čar hlăm brô 5,91%, dưi ba wĭt ngăn prăk kơ knŭk kna giăm 1.700 êklai prăk. Boh tŭ lu hĭn jing mơ̆ng bruă lŏ hma, dliê kyâo, bruă tuh tia mnia mblei mâo klei đĭ kyar jăk sơăi.
Khă snăn leh jih 3 mlan akŏ thŭn, Gia Lai knŏng mâo ênoh bi liê kơ bruă kluôm giăm 6% đuič kyua kpăk đuôm hŏng bruă ruh mgaih anôk ala, êmưt hlăm bruă ngă hră mơar, klei bi rai dliê adôk lu. Ti anôk bi kƀĭn Trương Hải Long- K’iăng khua bruă Đảng čar, Khua knơ̆ng bruă sang čư̆ êa čar Gia Lai mtă leh kơ dŭm knơ̆ng dhar bruă, alŭ wăl ngă bi jăk bruă kơrŭ klei duh mkra mnia mblei, 3 mta bruă mơ̆ng lăn čar kñăm, lehanăn jih jang hdră ngă bruă, hlue si hdră mtrŭn mơ̆ng bruă Đảng čar./.
Viết bình luận