Mơ̆ng thŭn 2021 truh kơ ară anei, čar bi hrŏ leh 2 knơ̆ng bruă, 23 adŭ thơ̆ng kơ bruă hlăm dŭm dhar bruă, 20 adŭ bruă hlăm knơ̆ng bruă lehanăn 2 adŭ thơ̆ng kơ bruă mơ̆ng dŭm êpul bruă mkăn; bi leh bruă bi mklă anôk bruă kơ dŭm knơ̆ng, dhar bruă; Čih mkra hdră bi mŭt Knơ̆ng bruă hŏng tač êngao hlăm Adŭ bruă mơ̆ng Anôk bruă sang čư̆ êa čar, ba mdah kơ gưl mâo klei dưi bi mklă.

Hlăm wưng 2022–2024, čar bi hrŏ 351 čô mnuih mă bruă, đru bi khuăt anôk bruă knuă druh. Mbĭt anăn, Anôk bruă Đảng mơ̆ng Anôk bruă sang cư̆ êa čar gĭt gai, ksiêm dlăng lehanăn hưn hŏng gưl mâo klei dưi lŏ mkŏ dăp anôk bruă, bi mŭt dŭm knơ̆ng, dhar bruă hluê hdră mtrŭn mơ̆ng Knŭk kna. Hlăm wưng ti anăp, čar Gia Lai tĭng srăng bi hrŏ thiăm 6 knơ̆ng, dhar bruă; 21 adŭ brua hlăm dhar bruă, 30 adŭ bruă hlăm knơ̆ng bruă, khăt bi hrŏ êpul êya bruă knŭk kna dôk 104 êpul bruă./.