Čar Gia Lai ară anei mâo êbeh 9000 čô mâo ai đru bruă krŭ kdơ̆ng dôk mâo knŭk kna đru. Hluê ngă bruă hdơr knga tla ai, bruă sang čư êa čar Gia Lai kah leh êbeh 1 êklai 500 êklăk prăk mkŏ mjing klei čuă êmuh leh anăn mđup brei hnư mnơ̆ng dŭm gŏ sang knŭk kna dlăng ba leh anăn phung mâo ai đru bruă krŭ kdơ̆ng.

Hlăm anăn, phung knuă druh cách mạng, kahan êka, phung mâo ai đru…mâo mă hnư mnơ̆ng mâo ênoh 300 êbâo prăk. Phung amĭ Việt Nam jhŏng ktang, kahan êka kơ dlông 81%, gŏ sang phung djiê êngiă mâo klei hdĭp dleh dlan mâo mă hnư mnơ̆ng mâo ênoh 600 êbâo prăk. Ăt hlăm wưng anei, khua gĭt gai čar Gia Lai ăt mkŏ mjing 19 êpul nao čuă 10 čô amĭ Việt Nam jhŏng ktang, mbĭt hŏng đa đa gŏ sang mâo ai đru êdah êdi hŏng hnư mnơ̆ng mâo ênoh 2.500.000 prăk. Čar ăt mđup brei êbeh 9000 hnư mnơ̆ng mơ̆ng Khua lăn čar kơ phung mâo ai đru ti čar Gia Lai.