Tui si klei ksiêm wĭt mơ̆ng klei bi kƀĭn, hlăm mkrah wưng păn bruă 2020-2025, klei duh kmkra ala ƀuôn hlăm čar tuôm hŏng lu klei dleh dlan. Khădah, hnơ̆ng đĭ kyar hlăm kluôm čar mâo truh 9,1% mkă hŏng thŭn 2020, kdlưn hĭn 8,6% tui si klei kčah mtrŭn.

Čar mâo čhĭ mnia hŏng ala tač êngao lu jing boh mnga bruă lŏ hma, hŏng ênoh đĭ kah knar jing 6,92% grăp thŭn. Klei bi kƀĭn ăt ksiêm wĭt jih jang klei kƀah, klei đa đa phung đảng viên ngă soh. Bruă čar čuăl mkă thŭn 2021-2030, tă hdră mă bruă truh thŭn   2050 adôk êmưt tui si klei čiăng. Ti anôk bi kƀĭn mâo lu phung bi ala trông čhai, lehanăn kčĕ kơ dŭm hdră êlan kñăm bi leh jih jang bruă čuăn mơ̆ng čar. Tui si Nguyễn Anh Dũng- khua knơ̆ng bruă ngăn prăk čar Gia Lai, hŏng lu hdră mâo kơ mkrah wưng adôk hlăm thŭn 2020-2025, čar đru tal êlâo kơ phung duh mkra mđĭ kyar bruă duh mkra mnia mblei./.