Hŏng lu bruă ngă dhar kreh, knăm mơak jăk siam, 3 hruê knăm mơak jing anôk jưh jơ̆ng mơ̆ng lu tuê hiu čhưn hlăm knhal jih hruê kăm. Knăm mơak hiu čhưn ênguê Kbang mâo klei rang mdag 148 knưng mnơ̆ng jing mnơ̆ng dhơ̆ng lŏ hma, dlie ekmrơ̆ng ti alŭ wăl msĕ si: dŭm mta sâm dliê, mmao dliê, êa hnuê dliê, asăr măkka, braih hrah, braih Sơ Pai, ŭn jŭ… Êngao anăn, srăng mâo klei mdah čhing čar, lŏ mkŏ mjing knăm mơak djuê ana mnuih Bahnar, lông hrĭ mñam, pơ̆k mñam, krah rup hŏng kyâo.

Boh nik, tinei lŏ mâo dŭm tuôr hiu čhưn ênguê hlue si klei čih anăn mơ̆ng tue hiu čhưn msĕ si hiu dlăng drai K50 jăk siam, drah Hang Dơi, wăl kriê pioh hƀuê ênuk - dhar kreh “Anôk krŭ kdơ̆ng Wăl 10”, lông hdĭp hŏng mnuih ƀuôn sang Bahnar ti dŭm ƀuôn hiu čhưn ênguê Stơr (să Tơ Tung), ƀuôn Mơ Hra - Đáp (să Kông Lơng Khơng), ƀuôn Kon Bông (să Đăk Rong).