Knăm mơak yan mnga Quý Mão 2023 rang mdah 250 mta klei mrâo yan mnga gưl dlông, 63 klei mrâo yan mnga mơ̆ng dŭm alŭ wăl kluôm ala leh anăn 20 mta hră klei mrâo mơ̆ng dŭm anôk bruă klei mrâo mâo phung čih klei mrâo dôk jưh - adŭ bruă bi ala ti čar  Gia Lai. Knăm mơak klei mrâo yan mnga hưn mthâo kơ mnuih mnuih ƀuôn sang êbeh 900 mta hŏng lu hnơ̆ng điêt, prŏng, lu klei čih mâo djăp ênŭm dŭm mta êa mil jăk siam kơ rup kluôm kơ bruă duh mkra, dhar kreh - ala ƀuôn, klei êđăp ênang ala čar hlăm thŭn êgao.

Mơ̆ng bruă rang mdah, ƀĭng dlăng mâo klei dlăng kluôm , êlam kơ klei gĭr ktưn mơ̆ng kluôm Đảng, lĭng kahan leh anăn mnuih ƀuôn sang  hgao klei dleh dlan, lông dlăng ti anăp boh klei dlông rŏng lăn mâo lu klei dleh ktuê d;ăng. Êdah kdlưn jing dŭm akŏ kơ Khua gĭt gai Hồ Chí Minh leh anăn hnơ̆ng dlăng bruă ñŭ kma mdĭ kyar lăn čar…