Klei rang mdah mâo 70 pŏk rup, mnơ̆ng dhơ̆ng dưi mbha 3 akŏ: Klei hdĭp leh anăn bruă knuă pô čih kač rup Xu-Man, rup kač Xu-Man ti sang kriê pioh čar Gia Lai leh anăn dŭm pŏk rup čih kač mơ̆ng Xu-Man ti Sang kriê pioh rup Việt Nam. Mơ̆ng anăn, lŏ bi êdah kơ klei hdĭp, bruă knuă leh anăn klei čih kač rup mơ̆ng Xu-Man.

Dŭm pŏk rup mâo pô čih kač rup hlăm wưng mơ̆ng thŭn 1975 truh thŭn 2005, lu jing kyua êa mil jăk siam. Dŭm akŏ hlăm rup Xu-Man čih kač jing klei khăp mnuih Lăn Dap Kngư hŏng Khua gĭt gai Hồ Chí Minh hlăm rup kơ Awa Hồ mă bruă, Awa Hồ hŏng mnuih Lăn Dap Kngư, ai tiê khăp kơ mnuih ƀuôn sang Lăn Dap Kngư dưi bi êdah hlăm dŭm pŏk rup iêô jak, mtrŭt mjhar; dhar kreh mnuih Lăn Dap Kngư bi êdah klă mngač hlăm pŏk rup kơ knăm Pơ Thi, klei tông čing čhar leh anăn klei hdĭp mda grăp hruê msĕ si tăp mdiê, mñam bŭng.