Ti anôk bi kƀĭn, Êpul gơ̆ng bruă ƀuôn sang čar Gia Lai gưl XII, wưng thŭn 2021 – 2026 mâo leh hră hưn mhâo aduôn Đinh Ly An – Kơiăng khua Anôk bruă hluê ngă hdră bhiăn Êpul gơ̆ng bruă ƀuôn sang čar gưl XII čiăng kơ phung bi ala Êpul gơ̆ng bruă ƀuôn sang čar ruah ngă Khua anôk bruă djuê ana Êpul gơ̆ng bruă ƀuôn sang čar gưl XII, wưng thŭn 2021-2026.

Boh tŭ, aduôn Đinh Ly An mâo 62/62 pô bi ala Êpul gơ̆ng bruă ƀuôn sang čar ruah, mâo 100%. Ăt ti anôk bi kƀĭn, Êpul gơ̆ng bruă ƀuôn sang čar tŭ ư brei 2 čô khua mdei ngă Khua hlăm Anôk bruă sang čư̆ êa čar gưl XII wưng thŭn 2021-2026) hŏng Nguyễn Văn Lộc- Khua hlăm Adŭ bruă sang čư̆ êa čar lehanăn Nguyễn Ngọc Hùng- Khua hđăp Knơ̆ng bruă Hâo hưn mtô mblang Gia Lai. Êlâo anăn, Nguyễn Văn Lộc lehanăn Nguyễn Ngọc Hùng mâo klei bi mklă truh leh thŭn mdei bruă djŏ hdră kčah mtrŭn./.