Hlăm ai êwa kdrưh kơăm, phung bi ala ngă hdră myơr brui mgưi leh anăn mkăp sa mnĭt bi hdơr kơ phung jhŏng ktang, djiê êngiă, phung anak êdah êdi mơ̆ng krĭng lăn Khánh Hoà ngă leh klei bi blah, săn asei kyua klei êngiê lăn čar. Ti anăp rup “Đức Thánh Trần” leh anăn phung jhŏng ktang djiê êngiă, Êpul gĭt gai, Êpul mkŏ mjing hdră  bi mgăl bruă kđi čar “Mdrŏng ktang mơ̆ng êa ksĭ lăn čar” leh anăn phung bi ala ƀuăn srăng bi lar knhuah gru jăk siam djuê ana Việt Nam.

Mâo nanao klei bi mguôp, sa ai, mbruă, găn jih jang klei dleh dlan, lông dlăng čiăng bi leh djăp bruă klam, đru ksul mbŭ ai tiê hing ang, klei ktưn hưn djuê ana, klei mĭn gĭr ktưn răng mgang klei dưi kiă kriê êa ksĭ, pla ksĭ mơ̆ng lăn čar, Bi myuôm klei mĭn kriê pioh leh anăn mđĭ kyar klei lu jơr mơ̆ng êa ksĭ, plao ksĭ. Bi klă “Việt Nam jing lăn čar mâo êa ksĭ”, hŏng klei hmăng hmưi thâo klă kơ êa ksĭ, mdrŏng mơ̆ng êa ksĭ leh anăn răng mgang wăl êđăp ênang hlăm êa ksĭ, mđĭ kyar kjăp bruă duh mkra êa ksĭ.