Hlăm gưl kƀĭn, 2 tĭng hrăm mbĭt ksiêm wĭt, bi klă bruă hluê ngă hră mơar hlăm klei kbĭn gưl 23, mbĭt anăn ba mdah, bi trông leh anăn bi tŭ ư kơ dŭm hdră êlan mtrŭt mđĭ klei bi mguôp 2 tĭng hlăm bruă duh mkra – mnia mblei, duh bi liê, klei kreh knhâo – mrâo mrang, dhar kreh, hiu čhưn ênguê, ăt msĕ hŏng hmao mghaih msir dŭm klei dleh kpăk hlăm dŭm hdră bi mguôp.

Ruê̆ gưl kƀĭn, 2 čô khua gĭt gai bi klă leh hră klei kƀĭn gưl 24 mơ̆ng Dhar bruă knŭk kna Việt Nam – Russia kơ klei bi mguôp bruă duh mkra – mnia mblei leh anăn kreh knhâo – mrâo mrang, bi tŭ ư gưl kƀĭn kơ anăp srăng mkŏ mjing ti Russia thŭn 2024, ktuê dlăng knăm bi klă dŭm klei kuôl kă bi mguôp hlăm klei kreh knhâo, mrâo mrang.