Klei bi kƀĭn phung hđeh ala čar tal 7 (mkŏ mjing mơ̆ng hruê 5 truh hruê 8/8) mâo 188 čô hđeh hriê mơ̆ng lu krĭng kwar hlăm kluôm ala. Phung hđeh jing phung êdah êdi, dưi ruah mơ̆ng 43 čar, ƀuôn prŏng, anôk bruă, bi ala kơ 25 êklăk čô hđeh hlăm kluôm ala hgŭm hlăm klei bi kƀĭn.

Hlăm klei bi kƀĭn anei, phung hđeh dưi bi tuôm, blŭ hrăm leh anăn bi êdah klei čang hmăng hŏng dŭm gưl khua gĭt gai kơ dŭm bruă phung hđeh. 5 êpul mâo phung hđeh bi trông, ba klei hâo hưn leh anăn akâo kơ mnuih prŏng dưi đru msĕ si: Hgŭm gang mkhư̆ klei ngă jhat kơ phung hđeh; gang mkhư̆ bi hrŏ klei truh, mngăt hlăm êa, bi drăm hlăm êlan klông; Hgŭm răng mgang phung hđeh hlăm internet; hgŭm gang mkhư̆ klei bi mlih yan diê, gang mkhư̆ klei hđeh mă bruă soh hŏng hdră bhiăn leh anăn dŭm bruă mkăn phung hđeh mđing.