Khua knŭk kna srăng nao ti Klei bi kƀĭn gưl dlông hgŭm bruă duh mkra Ayeyawady-Chao Phraya-Mekong tal 10, Klei bi kƀĭn gưl dlông hgŭm bruă Campuchia-Lào-Myanmar-Việt Nam tal 11 lehanăn mâo hdră mă bruă ti China. Gưl hiu čhưn tal anei mơ̆ng Khua knŭk kna Phạm Minh Chính truh ti China dưi čang hmăng srăng ba lu asăp hưn mthâo yuôm bhăn truh ti krĭng wăl lehanăn êpul êya tar rŏng lăn.

Gưl hiu čhưn ăt kñăm krơ̆ng kjăp klei bi mjĕ jăk siam Việt Nam – China, lŏ dơ̆ng kjăp klei thâo săng mbĭt mơ̆ng dua tĭng dưi mâo leh hlăm gưl hiu čhưn ti China mơ̆ng Khua gĭt gai Tô Lâm hlăk mlan 8/2024; krơ̆ng kjăp hdră bi trông, bi tuôm gưl dlông, mđĭ klei đăo knang, mtrŭt mđĭ hdră bi hgŭm dua ala čar, mđĭ klei bi mjĕ Việt Nam – China, wăt ti gưl dlông lehanăn alŭ wăl đĭ kyar hơĭt kjăp./.