K’iăng Khua lăn čar Võ Thị Ánh Xuân hmăng hmưi bruă Đảng čar, bruă sang čư êa, lĭng kahan leh anăn mnuih ƀuôn sang čar Hà Tĩnh ngă jăk hĭn bruă hdơr knga tla ai, kriê dlăng phung mâo bruă tŭ dưn, bi lar knhuah gru dhar kreh, jhŏng ktang mơ̆ng ƀuôn sang, bi râo klei hmăng hmưi anak mnuih Hà Tĩnh, lŏ dơ̆ng čih dŭm klei ktưn hưn krĭng Čư̆ Hồng krông La hlăm wưng mrâo.

Hdră rang mdah “Lăn Myang Đồng Lộc – Mkŏ wăl êbâo thŭn” mơ̆ng báo Nhân dân, Êpul bruă êdam êra cộng sản Hồ Chí Minh gưl dlông leh anăn čar Hà Tĩnh bi mguôp mkŏ mjing. Hdră mâo 3 kdrêč, đru kơ phung ktuê dlăng dưi ƀuh klă dŭm gru kruăk hlăm hbuê ênuk, Hlăm hdră dưi mlih mơ̆ng klei mĭn truh kơ bruă ngă. Mơ̆ng dŭm klei hmăng hmưi dŭm gưl phung êdam êra mprăp kơ klei bi blah, asăn asei kyua klei êđăp ênang, hluh hlir lăn čar truh kơ klei gĭt ktưn gưl ară anei hlăm bruă mkŏ mjing lăn čar kjăp ktang, mdrŏng sah.