Ƀri hrê bi hdơr 78 thŭn hruê krŭ kdơ̆ng mlan 8 tŭ jing leh anăn hruê mkŏ mjing ala čar 2/9, ti kdriêk knông lăn Ngọc Hồi, Êpul hgŭm phung êdam êra čar Kon Tum bi hgŭm hŏng Dhar bruă phung ba anăp ala čar krĭng Lăn Dap Kngư mkŏ mjing Hdră “Kâo khăp kơ čar kwar kâo” thŭn 2023. Hdră lar bra ai tiê ba anăp kyua êpul êya leh anăn ba klei hâo hưn klei khăp kơ ƀuôn sang, lăn čar mơ̆ng phung mda asei.

 Hdră “Kâo khăp kơ čar kwar kâo” thŭn 2023 mkŏ mjing lu bruă yuôm bhăn hŏng klei hgŭm mơ̆ng êbeh 400 čô êdam êra mơ̆ng 6 alŭ wăl: Dak Lak, Gia Lai, Dak Nông,  Lâm Đồng, Phan Thiết leh anăn Kon Tum. Ti ƀuôn Đăk Mế, să Pờ Y, kdriêk Ngọc Hồi, mbĭt hŏng bruă dhar kreh, kdŏ mmuiñ, bi tuôm hŏng mnuih djuê ƀiă Brâu, dŭm anôk bruă mđup brei 100 hnư mnơ̆ng kơ gŏ êsei ƀun, 250  hnư mnơ̆ng kơ hđeh sang hră mprăp mŭt hlăm thŭn hriăm mrâo hŏng ênoh êbeh 114 êklăk prăk.

Gưl anei, Anôk bruă phung ba anăp ala čar ti Lăn Dap Kngư mđup brei 400 ana măk ka kơ gŏ êsei mnuih djuê ƀiă ƀun mđĭ kyar hdră ngă bruă pla mjing, gĭr ktưn tlaih ƀun.