Thŭn anei, lu boh sang hră gưl prŏng, gưl krah mâo leh hdră êlan bi mlih hlăm bruă hrŏng ruah hđeh hriăm, snăn lu snăk hđeh sang hră tui nao čiăng ksiêm duah ƀuh thŭn anei jing lu hĭn kơ thŭn dih. Êpul khua kiă kriê sang hră, lehanăn phung nai mtô dŭm boh sang hră bi mbha leh êpul bruă: khoa học xã hội, khoa học tự nhiên, kinh tế, kỹ thuật… čiăng kơ phung hđeh ruah ya mta bruă pô čiăng hriăm, kơ hdră hriăm, sang hră hriăm, kơ klei găl čiăng dưi mâo bruă knuă mă mgi dih...

Boh nik, ti grăp boh sang hră gưl prŏng, gưl krah mâo sơăi klei kăp kčĕ mdê mdê, kăp đru wĭt lač bi jih hŏng phung hđeh hriăm hră, lehanăn ktrâo atăt kơ digơ̆ hrŏng ruah ya mta bruă srăng hriăm êjai ngă hră mơar mŭt hriăm gưl prŏng, gưl krah thŭn 2023.