Hdră klei kdŏ mmuñ bi hdơr 80 thŭn hruê mkŏ mjing Klei hriăm Dhar Kreh Việt Nam
Thứ tư, 10:15, 01/03/2023
VOV TAYNGUYEN
VOV TAYNGUYEN
VOV4.Êđê- Mmăt mbruê 28/2, Ti sang kdŏ mmuñ prŏng ƀuôn prŏng phŭn Hà Nội, hdră klei kdŏ mmuñ bi hdơr 80 thŭn hruê mkŏ mjing Klei hriăm Dhar Kreh Việt Nam dưi mkŏ mjing hŏng klei nao hgŭm mơ̆ng Khua knŭk kna Phạm Minh Chính leh anăn phung khua gĭt gai, khua gĭt hđăp Đảng, knŭk kna, Mặt trận čar kwar Việt Nam.
Blŭ hlăm knăm anăn, Khua knŭk kna Phạm Minh Chính mñă klă, Dhar kreh jing sa hnoh êa đoh amâo mâo mdei hlăm hƀuê ênuk mơ̆ng grăp djuê ana, grăp ala čar leh anăn jih jang anak mnuih. Dhar kreh djuê ana jing mngăt mơ̆ng grăp djuê ana, jing mnơ̆ng yuôm bhăn hlăm ngăn dŏ leh anăn ai tiê mơ̆ng djuê ana anăn mkŏ mjing hlăm hƀuê ênuk.
Khua knŭk kna mñă klă, Knhuah dhar kreh mơ̆ng djuê ana Việt Nam – hŏng hƀuê ênuk dŭm êbâo thŭn, jing leh anăn dôk jing ai ktang mơ̆ng djuê ana. Mnuih ƀuôn sang Việt Nam mâo bruă klam srăng kriê pioh, bi lar leh anăn mđĭ kyar knhuah dhar kreh djuê ana hŏng klei kjăp, djŏ guôp hŏng ênuk mrâo, anăn jing knhuah dhar kreh Việt Nam mrâo mrang, bŏ hŏng knhuah gru djuê ana.
Viết bình luận