Knŏng hdră “mlan 3 krĭng knông lăn” gưl dlông mkŏ mjing ti 3 čar Lạng Sơn, Quảng Trị leh anăn Kiên Giang. Hdră anei kñăm kơ bruă hâo hưn, mtô mjuăt kơ phung hđeh êdam êra, phung hgŭm kơ knhuah gru, klei khăp kơ ƀuôn sang, ala čar leh anăn bruă klam mơ̆ng phung mda asei hŏng klei dưi kiă kriê, klei êđăp ênang knông lăn, plao ksĭ.

Tinei, mâo lu hnư mnơ̆ng tŭ dưn srăng mâo êpul mkŏ mjing mđup brei kơ êpul lĭng kahan răng mgang knông lăn, mnuih ƀuôn sang leh anăn phung hđeh, hđeh êdam êra ti knông lăn 3 čar Lạng Sơn, Kiên Giang leh anăn Quảng Trị msĕ si: mđup brei hnư mnơ̆ng kơ gŏ sang knŭk kna dlăng ba leh anăn phung hđeh sang hră mâo klei hdĭp dleh dlan, mđup brei hla čhiăm gru ala čar kơ dŭm gŏ sang răng mgang knông lăn, mkăp brei mjeh ana kram kơ klei bi hmô “kăt kram knông lăn Việt Nam”. Boh nik jing ba yua dŭm hdră “Kuič mngač êlan knông lăn”, êlan klah ktuê dlăng gơ̆ng knông lăn, sang hră siam kơ adei, sang tlô kơ adei…Ênoh dŭm hnư mnơ̆ng, hdră mkŏ mkra, hdră bruă hlăm hdră anei jing êbeh 7,2 êklai prăk.