Hdră duh mkra – ala ƀuôn čar Dak Lak hlăm mlan 4 lehanăn 4 mlan akŏ thŭn 2025 krơ̆ng kjăp hnơ̆ng đĭ kyar, lu hnơ̆ng čuăn dưi mâo boh tŭ jăk siam, mjing tur knơ̆ng hơĭt kjăp kơ bruă bi leh mta kñăm mđĭ kyar hlăm jih thŭn. Klei anei dưi ba mdah ti Anôk bi kƀĭn grăp gưl mlan 4 mơ̆ng Anôk bruă sang čư̆ êa čar Dak Lak, mkŏ mjing aguah hruê 13/5. Sa hlăm dŭm gru mngač êdah êdi jing bruă tuh tia mkra mjing đĭ lu, hŏng ênoh mrô kluôm anôk bruă hlăm mlan 4 đĭ êbeh 12% mkă hŏng wưng anei thŭn êlâo, boh nik bruă tuh tia mkra mjing đĭ truh giăm 17%.

 Dŭm mta mnơ̆ng phŭn msĕ si kphê, msei hjei, ƀiêr, bruă pui kmlă krơ̆ng hnơ̆ng đĭ kyar hơĭt kjăp. Bruă lŏ hma, dliê kmrơ̆ng, mnơ̆ng lŏ hma đĭ kyar hơĭt kjăp. Nguyễn Thiên Văn, Khua jing jai anôk bruă sang čư̆ êa čar Dak Lak mñă, dŭm gưl, dhar bruă brei mđing ruh mtlaih klei dleh dlan, gun kpăk hlăm hdră mă bruă, mtrŭt mđĭ bruă mkăp prăk duh mơ̆ng knŭk kna, mkra mlih bruă ngă hră mơar, đru kơ anôk bruă duh mkra, rơ̆ng bi leh mta kñăm mđĭ kyar bruă duh mkra – ala ƀuôn thŭn 2025./.

- Khua jing jai anôk bruă sang čư̆ êa čar Dak Lak Nguyễn Thiên Văn blŭ hrăm ti anôk bi kƀĭn