Mâo hĕ klei truh anei kyua adiê hjan prŏng ngă ksak lăn mơ̆ng dlông čư̆ kdơr lăn pla mjing, lehanăn pưk sang êdeg êdâo mnuih ƀuôn sang. Ƀri mơh ƀiădah amâo mâo klei truh hŏng mnuih ôh. Êpul kiă kriê bruă mdrơ̆ng hŏng klei yan adiê ngă mơ̆ng să truh mtam, leh hmư̆ hưn mâo klei truh anei, mbĕ pral mnuih ƀuôn sang đuĕ mơ̆ng anôk huĭ hyưt, hlăm anăn mâo 4 gŏ sang, 15 čô mnuih truh kơ anôk êđăp ênang.

Êpul kiă kriê bruă mdrơ̆ng hŏng klei yan adiê ngă, lehanăn tui duah mnuih luič kdriêk Mdrak, pral nao ksiêm lehanăn mâo hdră mă bruă, đru mnuih ƀuôn sang đuĕ kơ anôk hơĭt, êlâo kơ anĭn êbŭ mrô 6 truh ñĕ kơ klei jŭ jhat tuôm hŏng mnuih ƀuôn sang./.