Mbĭt anăn čar siñê klei kuôl kă bi mguôp hŏng čar Attapeu, ala čar Lào. Klă klơ̆ng khua bruă sang čư̆ êa čar Dak Lak bi tuôm leh hŏng 27 êpul tuê ala tač êngao hriê hlăm knăm mơak kphê Ƀuôn Ama Thuôt. Hlăm anăn Vanusia Nogueira, Khua kiă kriê êpul bruă kphê tar rŏng lăn, Pô bi ala Philippines ti Việt Nam, Pô bi ala kluôm klei dưi mơ̆ng Mi ti Việt Nam, Pô bi ala Mongol ti Việt Nam, Khua bi ala India ti ƀuôn prŏng Hồ Chí Minh, khua bi ala Lào ti ƀuôn prŏng Đà Nẵng…

Blŭ hlăm mmông drông Trương Công Thái, k’iăng khua bruă sang čư̆ êa čar Dak Lak hmăng hmưi, hlăm dŭm hruê nao hlăm knăm mơak, phung tuê čiăng mâo dŭm klei thâo ƀuh jăk kơ krĭng lăn, anak mnuih Dak Lak hlăm anăn mâo ƀuôn prŏng Ƀuôn Ama Thuôt. Ñu ăt hmăng hmưi pô bi ala dŭm ala čar ti Việt Nam, êpul bruă sang čư̆ êa dŭm čar ti ala riêng gah, khua bi ala dŭm ala čar leh anăn êpul tuê ala tač êngao srăng hrăm mbĭt hŏng Dak Lak bi lar dŭm boh tŭ dhar kreh, mnâo mnañ jăk mơ̆ng kphê Ƀuôn Ama Thuôt ăt msĕ mơh klei găl đĭ kyar mơ̆ng krĭng lăn hŏng mah jiăng tar rŏng lăn.