Hmưm srăng mrâo hdră êlan mtrŭt mđĭ krĭng Lăn Dăp Kngư đĭ kyar
Thứ năm, 10:45, 21/09/2023
VOV Tây Nguyên
VOV Tây Nguyên
VOV4.Êđê- Aguah mbruê 20/9, ti ƀuôn prŏng Đà Lạt, čar Lâm Đồng mkŏ mjing leh klei kƀĭn trông êpul gơ̆ng kiă kriê krĭng Lăn Dăp Kngư gưl tal 1. Klei kƀĭn anei mơ̆ng K’iăng Khua knŭk kna Trần Lưu Quang kiă kriê, hŏng klei nao hgŭm mơ̆ng phung bi ala dŭm phŭn, dhar bruă, anôk bruă gưl dlông leh anăn alŭ wăl.
Klei kƀĭn mkăp leh lu mmông bi trông, hlăk mblang, bi klă dŭm hdră êlan mđĭ kyar bruă duh mra ala ƀuôn krĭng Lăn Dăp Kngư leh anăn klei kčĕ kơ đa đa mta bruă, hdră êlan hjăn kơ krĭng.
Blŭ bi klă hlăm klei kƀĭn, K’iăng Khua knŭk kna Trần Lưu Quang lač, klei kƀĭn anei dưi dlăng jing klei kčưm kơ hdră ngă bruă mrâo, mkŏ mjing hdră êlan klă klơ̆ng leh anăn dưi ngă, năng ai srăng êmưt ƀiădah kjăp. Hlăm anăn, uêñ mĭn hnưm mkŏ mjing hdră êlan hjăn kơ kluôm krĭng čiăng dưi ruh mgaih klei dleh dlan, mkŏ mjing boh kdrŭt mtrŭt mđĭ krĭng Lăn Dăp Kngư đĭ kyar.
Viết bình luận