Hơ̆k mơak klei bi lông “Tui ksiêm klei thâo ba yua pui kmlă mkiêt mkiêm lehanăn tŭ dưn thŭn 2024”
Thứ sáu, 10:22, 11/10/2024
VOV Tây Nguyên
VOV Tây Nguyên
VOV4.Êđê- Dŭm hruê êgao, lu knuă druh, mnuih mă bruă ti ti Anôk bruă pui kmlă Dak Lak nao hgŭm leh hlăm Klei bi lông “Tui ksiêm klei thâo ba yua pui kmlă mkiêt mkriêm lehanăn tŭ dưn thŭn 2024” mâo Knơ̆ng bruă mkiêt mkriêm pui kmlă lehanăn mđĭ kyar hơĭt kjăp mâo Phŭn bruă tuh tia mnia mblei mkŏ mjing.
Klei bi lông mkŏ mjing mơ̆ng hruê 18/9 truh kơ hruê 22/10, mkŏ mjing online ti hla pŏk điện tử https://cuocthi2024.tietkiemnangluong.com.vn. Klei êmuh djŏ tuôm kơ bruă ba yua pui kmlă mkiêt mkriêm lehanăn tŭ dưn hlăm gŏ sang, hlăm anôk bruă tuh tia, rŭ mdơ̆ng, êlan klông dŭ mdiăng, hdră mtrŭn bruă pui kmlă, Hdră mmông boh lăn…
Ti Dak Lak, jih jang knuă druh, mnuih mă bruă ti anôk bruă hlăm čar nao bi lông hlăm jih 5 mta. Mbĭt anăn, grăp čô knuă druh ăt mtrŭt mjhar ƀiă êdi 2 čô nao hgŭm. Klei bi lông mjing ai êwa hơ̆k mơak, đru mđĭ klei thâo săng lehanăn hưn kơ hdră ba yua pui kmlă mkiêt mkriêm, mtrŭt dŭm anôk bruă lehanăn êpul êya hluê ngă dŭm hdră bi hrŏ klei ba yua pui kmlă, răng mgang wăl hdĭp mda./.
Viết bình luận