Hruê 21/12, ti gŭ klei gĭt gai mơ̆ng Khua bruă kƀĭn ala Vương Đình Huệ, Dhar bruă kƀĭn ala bi kƀĭn ktuê dlăng bruă knuă mprăp leh anăn brei klei blŭ mguôp kơ boh phŭn, hdră klei bi kƀĭn mjêč tal 2, bruă kƀĭn ala gưl 15. Hlue anăn, mĭn tĭng, klei bi kƀĭn mjêč, Bruă kƀĭn ala mă bruă hlăm 4 hruê, mphŭn pŏk hlăm hruê 5/1/2023.

Hlăm klei bi kƀĭn mjêč tal 2, mta phŭn yuôm bhăn jing bruă kƀĭn ala brei klei blŭ mguôp bi mklă hdră kčah kluôm ala čar wưng 2021-2020, hnơ̆ng trah dlăng truh thŭn 2050; ksiêm dlăng bi mklă hră čih Hdră bhiăn ksiêm mkă, mdrao klei ruă lŏ mlih mrâo leh anăn ksiêm dlăng bruă hlue ngă Hdră mtrŭn mrô 30 kơ Klei bi kƀĭn tal sa, Bruă kƀĭn ala gưl 15, ksiêm dlăng, bi mklă bruă tŭ mă hlue ngă dŭm hdră êlan djŏ tuôm kơ bruă gang mkhư̆ klei ruă Covid-19. Mbĭt anăn ksiêm dlăng, bi mklă dŭm bruă kơ ngăn prăk leh anăn mnuih mă bruă./.