Hruê knăm jih jang mnuih ƀuôn sang răng mgang klei êđăp ênang lăn čar, klei êđăp ênang ti sang êa drao
Thứ năm, 09:46, 17/08/2023
VOV Tây Nguyên
VOV Tây Nguyên
VOV4.Êđê - VOV4.Êđê- Ƀri wưng bi hdơr 78 thŭn hruê knhuah gru kahan ksiêm yang ƀuôn Việt Nam 19/8, ti Hà Nội Phŭn bruă kahan ksiêm bi mguôp hŏng Phŭn bruă mdrao mgŭn leh anăn Sang êa drao hđeh gưl dlông mkŏ mjing hruê knăm jih jang mnuih ƀuôn sang răng mgang klei êđăp ênang lăn čar, klei êđăp ênang ti sang êa drao.
Sang êa drao hđeh gưl dlông mâo dŭm pluh êbâo čô hđeh ruă duam leh anăn phung dôk kiă digơ̆ hlăm wăl mâo ênhă êbeh 6ha. Ka yap ôh, mâo êbeh 2000 čô knuă druh, phung mă bruă mdrao mgŭn mŭt kbiă grăp hruê. Klei anei arưp aram bi luč klei êđăp ênang.
Klă sĭt mâo lu klei tlĕ dŏ dô, klei mplư mâo leh tinei leh anăn kdlưn hĭn jing êdeh mdiăng mnuih soh hŏng hdră bhiăn jhŏng kmlăn giăm 10 thŭn. Kñăm răng mgang klei êđăp ênang, hlăm wưng êgao, Sang êa drao hđeh gưl dlông mđĭ klei bi mguôp hŏng kahan ksiêm ƀuôn hgŭm Láng Thượng leh anăn Ngọc Khánh, kdriêk čar Đống Đa. Êngao kơ bruă mưn phung răng mgang thơ̆ng kơ bruă, sang êa drao lŏ mâo 6 čô mă bruă mâo hră tŭ yap thơ̆ng kơ bruă ksiêm dlăng, tă hdră răng mgang klei êđăp ênang sang êa drao.
Viết bình luận