Hlăm 2 hruê mơ̆ng 24 – 25/8, Anôk bruă mnuih mă bruă ti ala tač êngao, Phŭn bruă mnuih mă bruă, kahan êka êkeh leh anăn yang buôn bi mguôp hŏng knơ̆ng bruă mnuih mă bruă, kahan êka êkeh leh anăn yang buôn čar Kon Tum mkŏ mjing gưl hưn mdah bruă mă ti 2 kdriêk dleh dlan mâo hdră đru mrô 30a mơ̆ng knŭk kna jing Tu Mơ Rông leh anăn Kon Plông. Gưl hưn mdah bruă mă dưi tă hdră mă bruă kơ êbeh 600 čô mnuih mă bruă jing mnuih djuê ana Sêdang ti 2 alŭ wăl anei.

Hlăm 2 hruê mkŏ mjing, mâo 42 knơ̆ng bruă, anôk bruă bi klă klei čiăng kơ êbeh 2.200 čô mă bruă hlăm čar, êngao čar leh anăn nao mă bruă mâo wưng kčah ti ala tač êngao. Phung mă bruă ti 2 kdriêk Tu Mơ Rông leh anăn Kon Plông, čar Kon Tum leh dưi ksiêm dlăng, mâo klei hlăk mblang srăng blŭ hrăm klă anăp hŏng anôk bruă hưn mdah bruă mă čar Kon Tum čiăng dưi mkŏ hŏng knơ̆ng bruă leh anăn ngă hră mơar. Anei jing gưl tal êlâo Anôk bruă mnuih mă bruă ti ala tač êngao mkŏ mjing gưl hưn mdah bruă mă ti čar Kon Tum./.