Êpul mâo Trần Việt Trường, K’iăng Khua Knơ̆ng bruă mặt trận čar Việt Nam ngă K’iăng khua êpul hưn mdah ksiêm dlăng kơ 4 mta bruă djŏ tuôm kơ klei pŏk hlue ngă Hdră mtrŭn mrô 18, klei klah čŭn mrô 121 kơ klei mlih mrâo mkŏ mjing êpul bruă,  Asăp mtrŭn mrô 35 kơ klei bi kƀĭn đảng dŭm gưl; Hdră mtrŭn mrô 57 kơ klei mđĭ kyar kreh knhâo, kdrăp mrâo leh anăn mlih mrô, klei klah čŭn mrô 123 kơ klei mđĭ kyar bruă duh mkra - ala ƀuôn thŭn 2025 hŏng hdră kñăm mđĭ kyar 8% kơ dlông.

Hlăm wưng êgao, čar Dak Lak pŏk ngă leh lu hdră msir bi khuăt êpul mă bruă, bi hrŏ  knơ̆ng. dhar bruă, 35 adŭ bruă gưl kdriêk leh anăn 283 alŭ, ƀuôn. Čar ăt mđĭ bruă mkra mlih ngă hră mơar, ba yua kdrăp mrâo hâo hưn leh anăn mlih mrô kñăm mjing klei găl mđĭ kyar. Hŏng hdră kñăm đĭ kyar bruă duh mkra 8% thŭn 2025, Dak Lak dôk ktuê dlăng klei găl, ruh mgaih klei kpăk đuôm leh anăn mkra mlih hnơ̆ng kčah bruă duh mkra - ala ƀuôn.