Anei jing klei pah mni yuôm bhăn mơ̆ng bruă Đoàn êdam êra Cộng sản Hồ Chí Minh, kñăm bi mni kơ phung mda asei amâo êgao 35 thŭn, mâo boh tŭ kdlưn hĭn hlăm djăp mta ra bruă. Klei pah mni “Phung mda asei Việt Nam êdah êdi” dưi jao hlăm grăp thŭn hlăm wưng bi hdơr Hruê mkŏ mjing bruă Đoàn êdam êra Cộng sản Hồ Chí Minh (26/3). Thŭn 2024, Anôk mkŏ mjing tŭ mă leh 159 hră mơar mơ̆ng 55 êpul hlăm kluôm ala.

Êpul hgŭm bi mklă klei pah mni ruah leh 19 čô mŭt hlăm tuôr bi mklă online. Hlăm ênoh anăn, mâo lu ƀô̆ mta juăt mưng, hŏng dŭm boh tŭ kdlưn hĭn hlăm hdră bi lar klei jăk siam kơ êpul êya msĕ si: Pô thâo mmuñ Phương Mỹ Chi; Soobin Hoàng Sơn, Mniê êra siam Huỳnh Thị Thanh Thuỷ; pô čưng boh Nguyễn Tiến Linh; Nai prĭn Phạm Huy Hiệu…